24 декабря, перед итоговым собранием духовенства Омской епархии, митрополит Дионисий совершил молебен святителю Сильвестру Омскому в Успенском кафедральном соборе.

Архипастырю сослужили клирики епархии.

Господи Иисусе Христе, Боже наш, приими усердное моление наше и благослови нынешнее соборное дело наше, яже благополучно начати, и без препятия всякаго ко славе Твоей совершити. Нам, делателем, благопоспеши и дела рук наших исправи, и в совершение силою Пресвятаго Твоего Духа произвести сотвори! Твое бо есть, еже миловати и спасати ны, Боже наш, и Тебе славу возсылаем, со Безначальным Твоим Отцем, и Пресвятым и Благим и Животворящим Твоим Духом, ныне и присно и во веки веков. Аминь.

О избранниче и угодниче Христов, святителю отче наш Сильвестре, Церкве Русския столпе непоколебимый, земли нашея благое прозябение и красный плод, паствы твоея Омския предстателю и наставниче, града нашего похвало и утверждение! Ты во время гонения безбожнаго от сокровищницы души твоея спасительное исповедание Православныя веры изнесл еси, и людем верным пастырь добрый явился еси, душу твою за Христа и Его овцы полагая и лютыя волки далече отгоняя. Ныне убо призри на нас, недостойных чад твоих, умиленною душею и сокрушенным сердцем тя призывающих. Умоли Господа Бога, да простит согрешения наша и избавит от адовых уз и вечнаго мучения. Утверди нас в вере святей, научи нас всегда творити волю Божию и хранити заповеди церковныя. Буди пастырем нашим правило веры, воином вождь духовный, болящим врач изрядный, печальным утешитель, гонимым заступник, юным наставник, всем же благосердый отец и теплый молитвенник, яко да молитвами твоими соблюдется в Православии Святая Русь и непрестанно славится в ней имя Пресвятыя Троицы, Отца, и Сына, и Святаго Духа, во веки веков. Аминь.

Пресс-служба Омской епархии